Gallery

منگل، 4 اگست، 2015

امیر جماعت اسلامی پاکستان سراج الحق بدھ کو چترال کے سیلاب سے متاثرہ علاقوں کا دورہ کریں گے

پشاور(پ ر)امیر جماعت اسلامی پاکستان سراج الحق الخدمت فاؤنڈیشن خیبر پختونخوا کے صدر نورالحق کے ہمراہ آج بروز بدھ اسلام آباد سے چترال پہنچے گے چترال ایئر پورٹ پر جماعت اسلامی کے ضلعی امیر اور سابق ضلع ناظم چترال سید مغفرت شاہ ان کا استقبال کریں گے جہاں سے بعد ازاں امیر جماعت اسلامی پاکستان ضلع چترال کے سیلاب سے متاثرہ علاقوں بروز اور ریشن جائیں گے جہان پر حالیہ سیلاب سے 24افراد جان بحق ہوئے ہیں۔امیر جماعت اسلامی اپنے دورہ چترال کے دوران متاثرہ علاقوں کے دورہ کے موقع پرالخدمت فاؤنڈیشن کے تحت جاری امدادی کیمپوں کابھی دورہ کریں گے اور متاثرین کیلئے جا ری امدادی سرگرمیوں کا جائزہ بھی لیں گے۔شام ساڑھے5بجے امیر جماعت گورنرکاٹیج چترال میں پریس کانفرنس سے خطاب کریں گے اور رات8بجے چترال کے نومنتخب بلدیاتی نمائندوں سے ملاقات اور اپنے اعزاز منعقدہ عشائیہ میں بھی شریک ہونگے ۔الخدمت فاؤنڈیشن کے صوبائی صدر نورالحق اور چترال میں ریلیف آپریشن کے انچارج سابق ضلع ناظم چترال سید مغفرت شاہ بھی ان کے ہمراہ ہونگے۔#

الخدمت فاؤنڈیشن کے رضاکاروں نے تحصیل لٹکوہ کے متاثرین کیلئے پیدل امدادی سامان پہنچایا


چترال(نمائندہ آواز )حالیہ سیلاب سے ضلع چترال کے متاثرہ تحصیل لٹکوہ کے دیہات شغور،اوی اور حسن آباد کے سیلاب متاثرین کیلئے الخدمت فاؤنڈیشن کے ڈیڑھ سو رضا کاروں نے خوراکی اجناس پر مشتمل فوڈ پیکجز،پینے کا صاف پانی اور تر پالیں2گھنٹے پیدل سفر کر کے متاثرین کے گھروں پر پہنچائی جبکہ گزشتہ روزبھی الخدمت فاؤنڈیشن کے115رضاکاروں نے خچروں کے ذریعے7گھنٹے کا سفر طے کر کے قدیم تہذیبی وادی کلاش کے سیلاب متاثرین کوخوراکی اجناس پر مشتمل فود پیکجز ،پینے کا صاف پانی ،خیمے اور ترپالیں بمبوریت پہنچائی تھیں ۔الخدمت فاؤنڈیشن کے تحت سیلاب متاثرین کیلئے جاری امدادی سرگرمیوں کی مانیٹرنگ کے لئے چترال میں موجود الخدمت کے صوبائی ترجمان نورالواحدجدون کے مطابق الخدمت فاؤنڈیشن کے ریلیف انچارج اور سابق ضلع ناظم چترال سید مغفرت شاہ کی نگرانی میں ضلع چترال کے مختلف علاقوں میں الخدمت فاؤنڈیشن کی ریلیف سرگرمیاں زور وشور سے جاری ہیں۔الخدمت کے 600سے زائد رضا کار ضلع بھر میں سیلاب سے متاثرہ علاقوں کا زمینی رابطہ منقطع ہونے کی بنا پر چترال سے کٹ جانے والے علاقوں کے متاثرین کیلئے دشوار گزار پہاڑی راستوں پر گھنٹوں پیدل سفر کے متاثرین کو بنیادی ضروریات پینے کا صاف پانی،خوراکی اجناس،ترپالیں اور خیمے فراہم کر رہے ہیں۔اس سلسلے میں منگل کے روز الخدمت فاؤنڈیشن کے ڈیڑھ سو سے زائد رضا کاروں کو سابق ضلع ناظم چترال سید مغفرت شاہ اور ضلع صوابی کی ممتاز سماجی شخصیت حاجی وصال محمد نے فوڈ پیکجز اور دیگر ضروری امدادی سامان کے ہمراہ گہست سے شغور،اوی اور حسن آباد کے سیلاب متاثرین کے امدادی سامان سمیت رخصت کیا واضح رہے کہ حالیہ سیلاب میں تحصیل لٹکوہ کا زمینی رابطہ چترال سے گزشتہ15دنوں سے کٹا ہوا تھا اور گزشتہ روز گہست تک سٹرک کے ذریعے رابطہ کی بحالی کے بعدالخدمت فاؤنڈیشن کے ڈیڑھ سو سے زائد رضا کاروں نے 4گاڑیوں کے زریعے امدادی سامان پہنچایا جس کے بعد آگے الخدمت کے رضا کاروں نے یہ امدادی سامان 2گھنٹے پیدل دشوار گزار پہاڑی راستوں پرسفر کرکے متاثرین کے گھروں تک پہنچایا۔#

وزیراعلیٰ خیبرپختونخوا کی خصوصی ہدایت پرچترال میں دن رات کام کرکے اوسیک پُل پرسے ٹریفک بحال کردیاہے ۔ چیف انجینئرسی اینڈڈبلیو



​چترال (نمائندہ آواز)چیف انجینئرسی اینڈڈبلیو دوادشاہ نے کہاہے کہ چترال جغرافیائی اوردفاعی لحاظ سے انتہائی ا ہمیت کاحامل ضلع ہے اس لئے اس کے کمیونیکشین سے ہم غافل نہیں رہ سکتے۔تاہم قدرتی آفات پرکسی کابس نہیں چلتا،اس کے باوجود ہم متاثرہ دیلزسٹرکوں اورپلوں کی بحالی کیلئے دن رات کام کررہے ہیں سی اینڈڈبلیو افس چترال میں ایکسن سی اینڈڈبلیو مقبول اعظم اوردیگر اسٹاف کی موجودگی میں انہوں نے ایک پریس کانفرنس سے خطاب کرتے ہوئے کہاکہ 18جولائی کوآنے والے سیلاب کے بعدوزیراعلیٰ خیبرپختونخوا کی خصوصی ہدایت پرچترال میں دن رات کام کرکے اوسیک پُل پرسے ٹریفک بحال کردیاہے ۔جس کے ٹوٹ جانے سے 66ہزارکی آبادی کوآمدورفت میں شدیدمشکلات درپیش تھیں ،اسی طرح بریرکاچھ کلومیٹرمتاثرہ روڈبحال کردیاگیاہے ،اوراس علاقے کارابطہ چترال شہرسے ہوچکاہے انہوں نے کہاکہ ششی کوہ روڈ پرکام زوروشعورسے جاری ہے اورتین دنوں کے اندر آخری گاؤں مدکلشٹ تک ٹریفک بحال کردی جائے گی ۔چیف انجینئرنے کہاکہ دوباژپیدل پل کی تعمیرکاکام جاری ہے جبکہ نالے کے اندرپیدل راستے کی بحالی بھی ہوچکی ہے۔انہوں نے کہاکہ چترال بونی روڈ،چترال گراچشمہ روڈاورکالاش ویلیزروڈایف ڈبلیو او تعمیرکرے گی ۔جس کوتین کروڑ روپے ریلیز چکے ہیں ۔انہوں نے کہاکہ ایف ڈبلیواوکے ساتھ باہمی مضبوط رابطہ کاری اورتعاون سے بحالی کے کام جاری ہیں ۔اورانشااللہ تعالیٰ بہت کم وقت میں سٹرکین بحال کئے جائیں گے ۔اورلوگوں کی آمدروفت کامسئلہ حل ہوجائیگا۔ایکسن سی اینڈڈبلیونے کہاکہ کالاش ویلی رمبورکاپیدل راستہ بحال ہوگیاہے اوراپرچترال میں بونی زوندارنگرام وشوگرام موڑکہو سائڈپرموردیرتک روڈ بحال کردیاگیاہے ۔انہوں نے کہاکہ تمام اسٹاف چیف انجینئرکی قیادت میں بحالی کے کاموں میں لگے ہوئے ہیں ۔چیف انجینئرنے کہاکہ میں ایکسین مقبول اعظم کو فری ہینڈ دیا ہوا ہے اور ان کی مرضی کے مطابق اسٹاف اور گاڑیاں فراہم کردی ہے اور مجھے امید ہے کہ یہ ذیادہ مستعدی سے بحالی کے کام انجام تک پہنچائیں گے۔ انہوں نے کہاکہ چیف منسٹر بحالی کے کاموں کا جائز ہ لینے کے لئے جلدہی چترال کا دورہ کرنے والے ہیں۔

Follow Stella Paul, Qaisar Alam and pamirtimes on Twitter!

Here are some people we think you might like to follow:
Stella Paul  @stellasglobe
  Follow
Qaisar Alam  @qaisaralam17
  Follow
pamirtimes  @pamirtimes
  Follow

جمعہ، 31 جولائی، 2015

ایڈیشنل اسسٹنٹ کمشنر عبد الاکرم نے موری بالا کے متاثریں سیلاب میں امدادی سامان تقسیم کی

چترال(نمائندہ آواز ) ایڈیشنل اسسٹنٹ کمشنر عبد الاکرم نے موری بالا کے متاثریں سیلاب میں امدادی سامان تقسیم کی ۔خیمے،سیلپنگ بیگ،اور کھانے پینے کی اشیاء پر مشتمل فوڈ،نان فوڈ آئٹم جنہیں ایک بین الاقوامی فلاحی تنظیم الخیر فاؤنڈیشن کی طرف سے فراہم کی گئی تھی سیلاب سے متاثرہ13خاندانوں میں تقسیم کی گئی ۔اس موقع پر اُنہوں نے متاثریں سیلاب سے خطاب کرتے ہوئے کہا کہ قدرتی آفات ہمارے زندگی کا حصہ ہیں۔اُنہیں روکنا انسانی بس کی بات نہیں۔مصیبت کے ایسے حالات میں انسان اپنے رب کے سامنے توبہ کرے اور آئندہ کے لئے کسی قسم کے نا گہانی آفات سے بچانے کی دُعا کرے۔اُنہوں نے کہا کہ متاثریں سیلاب کے ساتھ حکومتی اداروں کے علاوہ غیر سرکاری تنظیمیں بھی بھر پور سرگرمیاں سر انجام دے رہے ہیں اور فلاحی کاموں میں بڑھ چڑھ کر حصہ لے رہے ہیں جو قابل تحسین ہے۔اُنہوں نے الخیر فاؤنڈیشن کا شکریہ ادا کیا۔اس موقع پر علاقے کے عوام نے AC Aعبد الاکرم کا شکریہ ادا کرتے ہوئے مطالبہ کیا کہ مذکورہ گاؤں کو آئندہ سیلاب کی تباہ کاریوں سے بچانے کے لئے جامع منصوبہ بندی کی جائے۔اس موقع پر الخیر فاؤنڈیشن کا نمائندہ فیصل عرفان اور رضاکار موجود تھے۔